Две победи во два меча за талентите на МЗТ Скопје Аеродром во пресметките со Хувентуд

Две победи во два меча за талентите на МЗТ Скопје Аеродром во пресметките со Хувентуд

2018 24 Фев

Со две победи во исто толку пресметки, кошаркарите на МЗТ Скопје Аеродром родени 2004 и 2005 година се враќаат од гостувањето во Шпанија каде што ги одмерија со своите врсници од Хувентуд.

По убедливиот триумф во првата средба против вториот тим во оваа возрасна категорија на овој шпански прволигаш (63-49), сино-белите синоќа беа подобри и од најдобриот состав на Хувентуд во категоријата помлади кадети и тоа со резултат 49-44.

Избраниците на тренерот Дарко Димитријевиќ се прикажаа во вистинско светло и во двете пресметки, со што потврдија дека зад нив е период на одлични тренинзи и работа, но и најавија дека од нив допрва треба да се очекуваа уште поголеми остварувања.

Талентите на МЗТ Скопје Аеродром слободното време, пак, го искористија за прошетка и за запознавање со убавините на Барселона каде што минаа неколку прекрасни денови. Веќе следниот месец ги очекува уште едно интернационално искуство, овој пат во Холандија.

На средбите против Хувентуд во дресот на МЗТ Скопје Аеродром настапија Тео Војновиќ, Лука Серафимовски, Стефан Маџовиќ, Филип Босилков, Филип Гавриловски, Бојан Стојановски, Јани Буха, Методија Михајловски и Виктор Стојнев.

4 Uni Banka.jpg4 sport m logo web.jpg6. adidas.jpgPekabesko 1.jpgaerodrom-novo-logo.jpgcedevita logo web.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page