Ќе има братска „војна“ во Еврокупот - прво во Минхен па во „Јане Сандански“!

2016 31 Јул

Враќањето во таборот на МЗТ Скопје, каде што успешно настапуваше во периодот помеѓу 2013 и 2015 година, на српскиот кошаркарски интернационалец Урош Лучиќ му донесе уникатна можност за директна пресметка на теренот со шест години помладиот брат – Владимир, кој неодамна потпиша на Баерн Минхен.

Братската „војна“ ќе се случи во рамки на престижниот Еврокуп, каде што „металците“ годинава по вторпат ќе ја претставуваат македонската кошарка. Првата пресметка е закажана за 2 ноември во баварската престолнина додека можноста за нова проверка на силите браќата Лучиќ ќе ја имаат на 7 декември, кога кошаркарската селекција на големиот Баерн ќе гостува во „Јане Сандански“.

Владимир (27 год, 204 см.) е нешто понизок од својот постар брат Урош и игра на позицијата ниско крило. Кариерата ја почна во малку познатиот белградски тим Суперфунд, по што премина во Партизан каде што доби уникатна можност со само 23 години како капитен да ги предводи црно-белите во Евролигата и тоа со завиден просек од 13,7 поени и 4,8 скока. Има настапувано уште и за шпанска Валенсија.

Урош и Владимир имаат и две сестри, Ања и Теодора, кои го комплетираат спортското семејство од Белград, со оглед на тоа што нивниот татко Лазар е поранешен фудбалер, а мајка им долго време играла пинг-понг. Сега, останува да се види за кого тие ќе навиваат кога браќата ќе ги одмерат силите на паркетот, прво во Минхен па потоа и во Скопје.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page