МЗТ Скопје беше дел од хуманитарниот хепенинг за помош на малата Сара

2018 08 Ное

МЗТ Скопје Аеродром освен што синоќа дојде до сигурен триумф на гостувањето кај Вршац, беше дел и од хуманитарниот хепенинг во скопско кафуле „Коузи бар“ на кој се собираа средства за помош на 15-годишната Сара Настеска од Охрид.

Клубот донираше дрес потпишан од сите наши кошаркари, кој по „жестоко“ наддавање заврши во раце на наш навивач и хуманитарец и тоа за повеќе од солидна сума, која, секако, заврши во кутијата за донација за малата охриѓанка. Сара боледува од Анемија Апластика, болест која ја напаѓа коскената срж и не дозволува правилна регенерација на крвта во организмот, а трансплантацијата на коскената срж во Германија е единствениот спас за неа.

На хуманитарниот настан беа продавани потпишани дресови и од нашиот вечен ривал Работнички, фудбалската репрезентација, ракометните екипи на Вардар и Металург како и од ракометните судии Начевски и Николов. Вкупната собрана сума е нешто помалку од илјада евра, кои веднаш ќе бидат уплатени на сметката за помош на малата Сара.

За тие што не беа во можност да присуствуваат на овој хепенинг, можат да ѝ помогнат на 15-годишната охриѓанка со донација на сто денари преку броевите 143-102 (Телеком) и 143-480 (ВИП).

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page