Ја освоивме Гевгелија за 3-1 против Блокотехна и ново финале со Работнички!

2018 15 Мај

Кошаркарите на МЗТ Скопје Аеродром по 13-ти пат ќе играат во големото плејоф-финале во кое ќе ја бркаат седмата титула по ред, откако вечерва, по голема борба, како гости ја совладаа Блокотехна (74-72) за вкупни 3-1 во полуфиналната серија.

Скок-играта и големиот број освоени топки во нападот беа клучните фактори за нашиот триумф во Гевгелија. Избраниците на тренерот Ѓорѓи Кочов има десет скока повеќе од противникот (45-35), а дури 16 од нив беа во фаза на нападот што ни овозможија многу важни поени од втор или трет обид. Во ова предничеше Андрија Бојиќ, кој средбата ја заврши со 22 поени и 11 скока од кои седум беа офанзивни.

Серијата 20-5 на стартот од второто полувреме ни донесе највисоки плус осум (52-44) предност која умешно ја зачувавме до крајот на натпреварот. Домаќинот до крај даваше сѐ од себе за да направи пресврт, па дури и имаа шут за победа, но Данило Мијатовиќ не го погоди кошот. Покрај Бојиќ, двоцифрен ефект имаа уште и Јуре Лалиќ со 12 и Дамјан Стојановски со 10 поени.

Наш противник во битката за титулата ќе биде тимот на Работнички, а првиот меч ќе се одигра во „Градски парк“ во термин кој дополнително ќе биде одреден.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page