Младеновски не го обнови договорот со МЗТ Скопје Аеродром

2017 11 Јул

Македонскиот репрезентативец Љубомир Младеновски речиси сигурно нема да биде во составот на МЗТ Скопје Аеродром за новата сезона, откако не ја прифати понудата на шесткратниот шампион за продолжување на досегашната соработка.

Високиот центар, кој изминативе четири години го носеше сино-белиот дрес, има желба да се проба во странство поради што реши да си замине од „Јане Сандански“ и покрај големиот интерес на нашиот клуб да го задржи во своите редови. Управата на „металците“ стори сѐ за да го обнови договорот со популарниот Бубе, нудејќи му одлични финансиски услови како и ставајќи му ја на располагање целата клупска инфраструктура и тренерски кадар потребен за напредување , но пресуди неговата решителност да се проба надвор од Македонија.

Без разлика на сегашната негова одлука, вратите од МЗТ Скопје Аеродром секогаш ќе бидат отворено за Младеновски, дали во продолжение од сезоната која претстои или, пак, во некоја подалечна иднина. Челниците на клубот му се заблагодаруваат на сѐ што направи за екипата од Аеродром и му посакуваат блескава интернационална кариера.

1 Sinalco Logo.jpg3kozuvcanka logo.jpg4 sport m logo web.jpg5.Adora logo.jpg6. adidas.jpgBauer logo.jpgJsp_turs1.jpgTineks.jpgaerodrom-novo-logo.jpgcedevita logo web.jpggoldenart logo.jpgsistina logo web.jpgtelekom logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page