Пеколно второ полувреме за сигурна победа во вечното дерби со Работнички

2017 25 Мар

Со одлична игра во вторите 20 минути, особено во фазата на нападот, кошаркарите на МЗТ Скопје Аеродром лесно и убедливо го совладаа вечниот ривал Работнички (87-68), во вечерашниот дуел на домашен терен во рамки на 3. коло од Суперлигата.

Сино-белите во третиот и четвртиот период постигнаа дури 51 поен и остварија позитива од 18 поени што беше сосема доволно за трета победа по ред во домашното првенство по релативно изедначеното прво полувреме (36-35). Триумфот е уште позначаен ако се знае дека беше остварен и без помошта на Душан Катниќ, кој во втората четвртина доби удар во предниот дел од телото поради што го пропушти останатиот дел од средбата. Стандардно отсуствуваше и Стефан Синовец исто така поради повреда.

Ѓорѓе Дреновац со 17 поени беше најпрецизен кај нашиот тим, Ксавиер Темс постигна 13, Шарлон Клоф 12, а Јуре Лалиќ 11 поени заедно со девет скока. Деби во новиот (стар) дрес имаше и Данило Мијатовиќ, кој за 16 минути без промашување реализира седум поени (3/3 за 2п, 1/1 за 1п) заедно со три скока.

Победата над Работнички е уште повеќе значајна за одржување на добрата атмосфера пред АБА-лигашкото дерби против Карпош Соколи, кое ќе се одигра следниот викенд на теренот на противникот.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page