Гевгелија освоена: Сигурна победа над Кожув за два од два во Суперлигата!

2017 18 Мар

Втора средба и втора победа за кошаркарите на МЗТ Скопје Аеродром во домашната Суперлига, откако вечерва, по голема борба, како гости го победија секогаш незгодниот тим на Кожув со 77-71.

„Металците“ полошо од очекуваното го почнаа натпреварот, им дозволија на домашните играчи да ја презедат иницијатива од самиот почеток и да дојдат до плус 10 (25-15) пред крајот на првата четвртина. Ваквиот однос на силите траеше до средината на вториот период, по што сино-белите со серија 9-2 намалија на само минус три (36-39) и најавија дека нема лесно да се откажат од бодовите во Гевгелија.

Целосниот резултатски пресврт се случи во третиот дел од средбата, кога избраниците на тренерот Анте Назор за само две минути дојдоа до предност од пет поени (46-41), која потоа умешно беше одржувана до самиот крај. Домаќинот до крајот даваше максимум пак да се врати во игра за триумф, но нашите кошаркари умешно ги одбиваа сите напади и сигурно го одведоа бродот кон мирни води за драгоцени два бода во битката за првото место на табелата.

Триумфот беше обезбеден на крилјата на тројца исклучително расположени играчи во нападот. Јуре Лалиќ мечот го заврши со 20 поени и осум скока и со одличен процент на прецизност во ударите од поле (10/13). Идентичен број поени реализира и Ксавиер Темс, а Ѓорѓе Дреновац застана на 19 поени, шест скока и четири украдени топки.

Кошаркарите на МЗТ Скопје Аеродром сега имаат цела една недела за да се подготват за следниот предизвик, а тоа е вечниот ривал Работнички, кој следниот викенд ќе ни гостува во „Јане Сандански“.

1 Sinalco Logo.jpg3kozuvcanka logo.jpg4 sport m logo web.jpg5.Adora logo.jpg6. adidas.jpgBauer logo.jpgJsp_turs1.jpgTineks.jpgaerodrom-novo-logo.jpgcedevita logo web.jpggoldenart logo.jpgsistina logo web.jpgtelekom logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page