Рутински го средивме Пелистер и пак сме осамени на врвот од Првата лига

2020 02 Фев

Фантастична игра во првата четвртина на кошаркарите на МЗТ Скопје Аеродром (29-10) им обезбеди лесна и убедлива победа во вечерашната пресметка на домашен терен против Пелистер (83-59), по која нашиот тим повторно е осамен на врвот од табелата во Првата лига.

Сино-белите момчиња сега имаат учинок 11-3, односно една победа повеќе пред Гостивар, Работнички, Кожув и Еури Никел, кои имаат скор 10-4. Максималната концентрација и желба брзо да се реши прашањето околу победникот ни донесоа лесни два бода и делумна рехабилитација по неуспехот во „Јане Сандански“ против Хелиос во АБА2-лигата од пред неколку дена.

Избраниците на тренерот Ѓорѓи Кочов постигнаа дури 14 тројки, а беа подобри речиси во сите статистички категории во однос на противникот од Битола. Дамјан Стојановски беше најефикасен со 15 поени, Андреј Маслинко имаше дабл-дабл ефект со 14 поени и 11 скока, Ѓорѓе Милошевиќ исто така реализира 14поени, додека Андреј Магдевски средбата ја заврши со 11 поени. Во составот не беа Хрватот Марин Морнар и Турчинот Рагип Берке Атар, поради правилото од четири странци кои се дозволени на мечевите во домашното првенство.

Наш следен противник е тимот на Широки, на кого ќе му гостуваме в четврток, додека следниот викенд ќе ѝ гостуваме на Академија ФМП во последниот меч во пресрет на паузата поради настапите на репрезентацијата на Македонија.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page