Баснарков ќе продолжи да се грижи за кондицијата на кошаркарите на МЗТ Скопје

2019 09 Авг

Сигурно еден од најдобрите македонски тренери за физичка подготовка на спортистите, Петар Баснарков, ќе продолжи да се грижи за кондицијата на кошаркарите на МЗТ Скопје Аеродром и во сезоната која следува во која ќе ја браниме шампионската титула освоена пред два месеци.

И покрај големиот број понуди од другите клубови, Баснарков, кој во моментов важи за еден од наједуцираните и кондициски тренери кои редовно го следат светскиот тренд, реши да остане во нашиот табор, за заеднички да продолжиме да остваруваме највисоки резултати. Со него речиси секојдневно индивидуално тренираат голем број македонски репрезентативци во фудбал, кошарка, ракомет, одбојка, а летово беше на мета на голем број други клубови меѓу кои беше и европскиот ракометен првак Вардар. Но, Баснарков реши да не ја менува средината и трета сезона да остане во МЗТ Скопје Аеродром за да работи заедно со првиот тренер Ѓорѓи Кочов и неговите помошници Никола Велев и Тино Даневски.

Тој во моментов работи со кадетската ракометна репрезентација на Македонија која настапува на Светското првенство (СП) во Скопје, а ќе се грижи и за кондицијата на Кирил Лазаров и останатите сениорски репрезентативци во пресрет на ЕП 2020 во Германија, Австрија и Шведска.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page