Симоновски со седум тројки осигура два бода од гостувањето во Охрид!

2018 03 Ное

Кошаркарите на МЗТ Скопје Аеродром дојдоа до четвртата по ред победа во домашното првенство и тоа како гости во вечерашната пресметка со АВ Охрид (83-80).

Вториот и третиот период се покажаа како клучен фактор во нашиот триумф со оглед што ги добивме со 18 поени разлика (45-27), со што беше анулиран добриот старт на домаќинот кој имаше водство 14-3 по пет минути игра. Во финишот малку дојдовме во тесна ситуација, откако противникот во два наврати намали на само минус еден, но избраниците на тренерот Ѓорѓи Кочов покажаа карактер и без проблеми го сочуваа водството за нов триумф во Првата лига.

Марко Симоновски беше најзабележителниот во нашиот тим во фазата на нападот со 27 постигнати поени и со седум постигнати тројки од 13 обиди кон противничкиот кош. Лестер Медфорд постигна 14 поени додека Андреј Маслинко и Андреј Магдевски реализираа 12 односно 11 поени. Мора да се напомене дека на овој меч настапивме без двајца интернационалци и тоа Иве Иванов и Џејмс Вудард.

Сино-белите немаат премногу време за одмор бидејќи веќе в среда ги очекува гостување кај Вршац во АБА2-лигата, додека следниот понеделник (12 ноември) ќе го пречекаме вечниот ривал Работнички.

ФОТО: Охридњуз

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page