Одлично второ полувреме за сигурен триумф над Гостивар

2018 28 Окт

Кошаркарите на МЗТ Скопје Аеродром дојдоа и до третата победа во низа во домашната Прва лига, откако вечерва, со одлична игра во второто полувреме го совладаа незгодниот тим на Гостивар со 97-81.

Клучна за триумфот беше агресивната игра во одбраната во второто полувреме и одличната селекција на шутот во овој дел од натпреварот, што ни донесе позитива од 17 поени (50-33), кои се покажаа доволни за освојување на бодовите. Противникот почна мотивирано, водеше со 19-8 по само неколку минути, но со трпелива игра полека го враќавме посакуваниот ритам и тоа повторно без повредениот Џејмс Вудард.

На полувремето дојдовме на само минус еден (47-48), а веќе во 22. минута дојдовме и до водство, кое потоа умешно го менаџиравме. Со серија 14-0 во последниот дел од натпревар само го запечативме триумфот против екипа која дефинитивно ќе биде конкурент за висок пласман.

Лестер Медфорд со 18 и Дамјан Стојановски со 17 поени беа најпрецизни во нашиот тим, Андреј Магдевски постигна 12 поени, додека двоцифрен поентерски ефект имаа уште и Андрија Бојиќ со 11 и Андреј Маслинко со 10 поени.

Следниот меч за избраниците на тренерот Ѓорѓи Кочов е в четврток, кога во „Јане Сандански“ ќе гостува Сплит во меч од АБА2-лигата.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page