Младеновски одличен во чесниот пораз на гостувањето кај Гран Канарија

2016 14 Дек

Кошаркарите на МЗТ Скопје Аеродром со чесен пораз на гостувањето кај шпанска Гран Канарија (75-87) го заврши овосезонскиот настап во Еврокупот, во кој на крајот запиша осум порази од кои повеќе од половина беа на несреќен начин со кош во последна секунда или по продолженија.

„Металците“ не се предадоа однапред против силниот противник и покрај фактот што средбата ја одиграа без Ксавиер Темс, Стефан Синовец и Џош Скот. Избраниците на тренерот Анте Назор одиграа дисциплинирано, погодија седум тројки, а на крајот дури имаа и повеќе скокови (31-30) од далеку повисокиот ривал од Лас Палмас. Домаќинот постојано беше во водство, но ниту еднаш не обезбеди предност поголема од 15-16 поени, која набрзо беше намалувана и на едноцифрена позитива.

Јуре Лалиќ со 15 поени беше најпрецизен, Ѓорѓе Дреновац реализира 13, но играчот на мечот во таборот на МЗТ Скопје Аеродром беше македонскиот репрезентативец Љубомир Младеновски, кој средбата ја заврши со 11 поени и шест скока и тоа сите во фазата на нападот.

Завршувањето на обврските во Еврокупот ќе донесе големо олеснување за нашите кошаркари, кои сега помалку ќе патуваат и играат, а ќе имаат повеќе време за тренирање и подготвување за обврските во АБА-лигата. Сино-белите во Скопје ќе се вратат дури утре доцна навечер, по што ќе имаат само еден ден на располагање за пресметката со Црвена звезда в сабота на домашен терен.

1 Sinalco Logo.jpg3kozuvcanka logo.jpg4 sport m logo web.jpg5.Adora logo.jpg6. adidas.jpgBauer logo.jpgJsp_turs1.jpgTineks.jpgaerodrom-novo-logo.jpgcedevita logo web.jpggoldenart logo.jpgsistina logo web.jpgtelekom logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page