Доминик Мавра е нов кошаркар на МЗТ Скопје Аеродром

2017 03 Ное

Хрватскиот интернационалец Доминик Мавра (23 год., 194 год.) е нов член на МЗТ Скопје Аеродром, откако денеска ги заврши сите формалности околу потпишувањето договор со шесткратниот македонски шампион.

Станува збор за кошаркар кој игра на двете бековски позиции, а кој сезоната ја почна во дресот на шпански Хувентуд, со кој исто така денеска ја прекина соработката. За Мавра ова е враќање во градот каде што настапуваше минатата сезона, со оглед што беше член на тимот на Карпош Соколи. Тој во дресот на „соколите“ настапи на 19 средби во АБА-лигата со просек од 9,2 поени и 3,7 асистенции.

Хрватот беше најзаслужен за пехарот во Купот на Македонија на Карпош Соколи, за што беше избран за МВП на завршницата во ова натпреварување минатата сезона. Кариерата ја почна во Загреб, а досега има играно уште и за Сплит, Цибона и полскиот тим МКС Даброво. Летово беше на поширокиот список на репрезентацијата на Хрватска за настап на ЕП 2017, а има златни медали од јуниорско и кадетско европско првенство во дресот на „коцкестите“.

Неговото пристигнување во Скопје се очекува утре, а ако сѐ биде како што треба, Мавра ќе дебитира во сино-белиот дрес на неделниот дуел против Мега Бемакс во рамки на 7. коло од АБА-лигата.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page