Пораз од Мега Лекс во последните моменти 76-77

2015 28 Дек

Кошаркарите на МЗТ Скопје Аеродром се тесно поразени од тимот на Мега Лекс 76-77 во натпреварот од 17.то коло на АБА лигата кој вечерва се одигра во Јане Сандански.  Натпреварот помина во израмнета игра на двете страни, иако гостинот имаше водство од девет поени разлика на три минути до крајот на првото полувреме. МЗТ Скопје успеа да врати со своја серија на поени па на паузата се замина со два поени позитива за Мега Лекс 39-41.

Во второто полувреме се продолжи со неизвесната игра и честите промени на водството. МЗТ Скопје имаше три поени предност (73-70) на една минута до крајот на средбата но не успеа да ја задржи.  При израмнет резултат 74-74, Дамјан Стојановски погоди две слободни фрлања за водство на МЗТ Скопје, меѓутоа домашните не успеаа да го одбранат последниот напад на Мега Лекс.кои преку Данило Николиќ постигнаа тројка на 2 секунди до крајот на мечот со која ја однесоа победата.

Урош Луковиќ беше најефикасен кај МЗТ Скопје со 17 поени, Мијатовиќ постигна 16 поени, Марко Луковиќ и Ѓорѓе Дреновац по 14 поени.

Кај Мега Лекс а воедно и на натпреварот, најпрецизен поединец беше Борис Савовиќ со 24 постигнати поени.

МЗТ Скопје ги продолжува своите настапи во домашното првенство во кое веќе во среда (30.12.2015) гостува кај тимот на Работнички, додека следен натпревар во АБА лигата е гостувањето кај Игокеа кое е закажано за недела (03.01.2016)

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page