И со преполовен тим лесно го средивме Хелиос среде Словенија!

2018 18 Дек

Трета победа во низа, а шеста во последните седум меча остварија кошаркарите на МЗТ Скопје Аеродром кои славенички се враќаат од вечерашното гостување кај Хелиос (92-73) во меч од 12. коло од АБА2-лигата.

Успехот е уште позначаен со оглед што беше остварен речиси со само шест играчи, со оглед што тренерот Ѓорѓи Кочов не можеше да смета на дури четворица повредени репрезентативци на Македонија и тоа Дарко Соколов, Марко Симоновски, Андреј Маслинко, кои останаа во Скопје, како и Љубомир Младеновски, кој беше на клупата, но не можеше да им помогне на соиграчите.

Серијата 14-4 во финишот од првата и почетокот од втората четвртина на сино-белите им го обезбеди првото двоцифрено водство (33-21), со кое најавија дека се решени да сторат сѐ за да дојдат до бодовите во Домжале. Домаќинот делумно се врати на почетокот на второто полувреме, кога изедначи на 56-56, но потоа следуваше фантастичен период на составот од Аеродром. Кошаркарите на МЗТ Скопје во следните минути остварија серија 16-2 со која дојдоа до плус 14 (72-58), а набрзо потоа и до највисокото водство од 17 поени (78-61) на шест минути до крајот на мечот за потврда на драгоцениот триумф.

Српскиот интернационалец Андрија Бојиќ го одигра најдобриот меч по доаѓањето во Аеродром и беше прв стрелец со 35 поени на кои дополни и 11 скока. Одличен учинок имаа уште и Џејмс Вудард со 14 поени и пет скока и Андреј Магдевски со 13 поени и шест скока, додека Иве Иванов средбата ја заврши со 11 поени и девет асистенции, а Дамјан Стојановски со 11 поени. За одбележување е и настапот на Лестер Медфорд, кој на осумте постигнати поени додаде и 10 асистенции.

„Металците“, кои со овој триумф дополнително се зацврстија на втората позиција на табелата со скор 9-3, следната среда ќе го одиграат последниот меч во 2018 година и тоа на гости кај Борац од Чачак. Претходно, в сабота, на домашен терен ќе ги одмерат силите со Фени индустри во последното годинешно коло од домашната Прва лига.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page