Маслинко само го дополни списокот со повредени пред дуелот против Хелиос

2018 17 Дек

Андреј Маслинко е најновата „жртва“ во нашиот табор, кој поради повредениот скочен зглоб на завчерашниот дуел со Пелистер не се најде меѓу патниците за Домжале. Во Скопје останаа уште и Марко Симоновски и Дарко Соколов, кои сѐ уште се рехабилитираат од повреди поради кои веќе една недела се надвор од стројот. Релативно добра вест за тренерот Ѓорѓи Кочов е што во ростерот се враќа Љубомир Младеновски, кој исто така беше во аут поради проблеми со раката, но прашање е дали и колку ќе може да им помогне на своите соиграчи на пресметката во Словенија.

„Нѐ очекува незгоден дуел против екипа која игра одлично во последно време, за што е доказ и нивната неодамнешна победа во пресметката со АБА-лигашот Унион Олимпија во словенечкото првенство. Тоа се должи пред сѐ на нивното последно засилување, Блаж Махковиќ, што им дава многу повеќе опции како во нападот така и во одбраната. Ние, пак, во натпреварот влегуваме значително ослабени и со скусена ротација. Но, повторно верувам дека останатите кошаркари во тимот ќе дадат дури и повеќе од својот максимум и дека ќе успееме да славиме во Домжале“, вели тренерот Кочов.

МЗТ Скопје Аеродром во моментов е второпласиран на табелата во регионалното натпреварување со скор 8-3 додека Хелиос е претпоследен со учинок 4-7. Првиот дуел во Скопје во септември заврши со убедлив триумф на нашиот тим со 92-79.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page