И без тројца повредени умешно ја решивме енигмата наречена Спарс!

2018 13 Дек

Кошаркарите на МЗТ Скопје Аеродром дојдоа до втората гостинска победа сезонава во АБА2-лигата, откако вечерва славеа во пресметката со Спарс (75-71) во Сараево во меч од 11. коло од регионалното натпреварување.

Иако настапивме десеткувани, без дури тројца македонски репрезентативци и тоа повредените Љубомир Младеновски, Марко Симоновски и Дарко Соколов, одигравме квалитетно и сосема заслужено дојдовме до посакуваните бодови. Избраниците на тренерот Ѓорѓи Кочов доминираа во текот на сите 40 минути, а најдобар показател за тоа е фактот што домаќинот само во два наврати дојде до егал-ситуација, а ниту еднаш не беше во водство.

Како клучна за триумфот се покажа серијата 11-2 во финишот од третата и на почетокот од последната четвртина, со која беше вратено највисокото водство од девет поени (63-54). Тоа ја врати самодовербата кај нашите кошаркари по налетот на екипата од Сараево, кои потоа умешно го приведоа натпреварот кон „мирните води“. Домаќинот на крајот дојде и на само минус еден (71-72), но МЗТ Скопје Аеродром подобро се снајде во пенал-завршницата.

Американецот Џејмс Вудард го одигра сигурно најдобриот меч откако е дојден во нашиот тим и со 24 поени, пет скока и четири украдени топки беше најдобар во составот од Аеродром. Фантастичен беше и хрватскиот интернационалец Иве Иванов, кој средбата ја заврши со 19 поени и шест скока. Лестер Медфорд имаше учинок од 10 поени и по шест скокови и асистенции.

Македонскиот претставник во АБА2 сега има учинок 8-3 и е осамен на второто место на табелата, зад Приморска, која има скор 11-0. Следниот меч ни е веќе во вторник, кога ќе му гостуваме на словенечкиот тим Хелиос.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page