Бојиќ е најдобар стрелец на колото, а Медфорд одново има најмногу асистенции!

2018 08 Ное

Одличната игра и сигурната победа на гостувањето кај Вршац (95-88), на екипата на МЗТ Скопје Аеродром освен два драгоцени бодови ѝ донесе и неколку индивидуални признанија по седмата рунда од АБА2-лигата.

Андрија Бојиќ со 29 поени е прв стрелец на колото, а неговиот учинок е уште поимпресивен ако се знае дека дури 27 од нив постигна за нецели 15 минути во првото полувреме. Српскиот центар воедно е и втор најдобар во изборот за најдобар кошаркар и тоа со 30 индексни поени.

Најдобар асистент, пак е нашиот Лестер Медфорд, кој имаше дури 11 успешни додавања на средбата против Вршац. Плејмејкерот по вторпат е најдобар асистент во колото, а во моментов е убедливо најдобар во оваа статистичка категорија со просечни 7,3 успешни додавања на секој од седумте одиграни натпревари.

МЗТ Скопје Аеродром во моментов е второпласиран на табелата во регионалното натпреварување со учинок 5-2 во пресрет на следниот дуел и тоа в четврток на домашен терен против Динамик. Претходно, избраниците на тренерот Ѓорѓи Кочов ќе ги одмерат силите против вечниот ривал Работнички и тоа в понеделник исто така на домашен терен.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page