Кочов: На тие што ќе дојдат да нѐ бодрат им ветувам - дома нема да заминете разочарани!

2018 16 Окт

Македонскиот вицешампион МЗТ Скопје Аеродром пред една недела пропушти голема шанса да се врати славенички од најтешкото гостување во АБА2-лигата, што воедно е дополнителен мотив пред утрешната пресметка на домашен терен со Ловќен (19 часот).

Несреќниот пораз против Сикст Приморка веќе е архивиран и сите мисли се насочени кон составот од Црна Гора против кого ќе се обидеме да ја продолжиме победничката низа во дуелите во „Јане Сандански“ во регионалното натпреварување. Претходно, лесно и убедливо славевме против Хелиос и Борац Чачак, што ни дава за право да се надеваме на идентичен епилог и против Ловќен.

„Станува збор за екипа која никако не смееме никако да ја потцениме. Очекувам од моите играчи влезат со максимален пристап во натпреварот и да продолжат да го даваат тоа што од нив се очекува. Исто така, помошта од публиката е секогаш од големо знашење за нашата екипа. Им ветуваме на сите наши фанови кои ќе дојдат да нѐ бодрат, дека дома нема да си заминат разочарани од нашата борбеност и залагање“, вели тренерот Ѓорѓи Кочов.

Црногорците со минимална победа над Рогашка (72-71) ја почнаа сезоната во АБА2, по што следеа два порази во низа и тоа од Сутјеска (71-81) на гости и Спарс (68-74) на домашен терен. Билетите за утрешниот меч против Ловќен се пуштени во продажба по цена од 50 денари.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page