Несреќен пораз на гостувањето кај Сикст Приморска

2018 11 Окт

Осумте поени во низа кои ги постигна противникот во последните 80 секунди од натпреварот се покажаа како клучни за поразот по едно продолжение на МЗТ Скопје Аеродром на вечерашното гостување кај словенечка Сикст Приморска (84-91), прв сезонава во АБА2-лигата.

Имавме 77-69, но тогаш Ален Хоџиќ постигна две тројки во низа, а потоа и една двојка за враќање на домаќинот во игра за победа. Лестер Медфорд го имаше последниот шут, но прво не погоди, а потоа, кога успеа да постигне тројка, судиите утврдија дека шутирал по последниот звук на сирената. Во екстра периодот Приморска подобро се снајде и дојде до посакуваните бодови.

Натпреварот одлично го отворивме и го контролиравме ритамот и резултатот во првото полувреме. Постојано бевме во водство во овој дел од мечот, најчесто помеѓу пет и девет поени за 41-36 на полувремето. Домаќинот третиот период го почна ептен агресивно, што по само пет минути им донесе целосен резултатски пресврт и прво водство на средбата (51-49). Ова како да ги осоколи кошаркарите на Сикст Приморска, кои продолжија во ист стил до крајот на четвртината за највисоки плус шест (61-55).

И, кога сите во салата очекуваа да продолжи нивниот притисок, кошаркарите на МЗТ Скопје Аеродром најдоа сили повторно да заиграат како на почетокот. Во првите пет минути од четвртите десет минути направија серија 13-2 и одново дојдоа до повеќе од солидно водство (68-63), со кое најавија дека нема да се откажат од толку посакуваната победа. Но, немањето спортска среќа во клучните моменти нѐ оставија без триумфот кој ќе беше наполно заслужен.

Џејмс Вудард со 20 поени и четири украдени топки беше најпрецизен во македонскиот состав, Лестер Медфорд постигна 19 поени и пет асистенции, Иве Иванов имаше учинок од 15 поени и седум скока, Андрија Бојиќ додаде 13 поени, додека Љубомир Младеновски застана на 11 поени.

Следен наш противник во АБА2-лигата е тимот на Ловќен следната среда во „Јане Сандански“.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page